KAMA UMEJIPAKA UPUPU, WATU WOTE WANAKUKIMBIA

Charles N Matagi

aliwazalo mjinga, ndio litakalo mtokea

uliishi kwa ujanja, na maisha ukayazoea

leo unaliona janga, na nyumbani unaelekea

hukukumbuka kujenga, hukujua yatayotokea.

mwisho wako kunywa supu, mihogo na magimbi utajisevia

mikononi sasa mtupu, kwenye umaskini umerejea

kama umejipaka upupu, watu wote wanakukimbia

hapo kwako patupu, hauna wakukusaidia.

hakika unayo nafasi, tena bila wasi

unaweza lima mananasi, kilimo akito kuasi

cha msingi uwe na kasi, hakuna mwenye mkosi

simama ungana nasi, utashika moja nafasi.

umejua dunia ni mwalimu, acha kujilaumu

nafasi hii adhimu, umeipata weka utimamu

achana na uchakalamu, andaa yako kalamu

tena kula kwa nidhamu, na azina itadumu.

…………tumia kwa nidhamu kuchuma umeuona ugumu……….