HAPA KWANGU MARUFUKU.

Habari zenu wandugu, salamu nawasalimia

Mimi hapa ni mzima, hofu kwenu watanzania

Leo hii nna ujumbe, nataka kuwafikishia

Mnitunze mnilinde, mimi nawategemea.

Mlinilea vyema, hapo zamani nawambia

Mlinilinda vyema, hili nna wathibitishia

Sasa shida ipo wapi, mbona mnani mendea

Mimi ni mtoto wenu, sasa nawa kumbushia

Baba na kaka zangu, sikieni kilio changu

Moyo nina machungu, siwezi muachia Mungu

Mnanifata kwa mafungu, eti mnataka hisia zangu

Mnanipa kizungu zungu, mnavyoniona zuzu.

Mbali na nguo zenu nadhifu, natabia zenu sumbufu

Kwa ujinga wenu na hofu, Mnaendeleza uchafu

Imani zenu potofu, na akilizenu dhoofu

Msijifanye fukufuku, hapa kwangu marufuku