BAADA YA HAPA MIMI NA WEWE BASI

  
   Na: EMILIANA EDMUND

Hujambo mpendwa msomaji wangu,leo nimepanda kitu kizuri kwa ajili yako na mwenza wako kitakacho kufanya upate mustakabali wa hayo maisha mnayoishi kwa kipindi hiki,ili kuwapa picha halisi ya maisha yenu ya hapo baadae mtakapokua katika ndoa.

Leo nataka tuegemee upande wa wewe ulie na mahusiano ya kimapenzi na mwenza wako alieko chuoni,yaweza kuwa wote mko chuo au mmoja kati yenu yuko chuo.

Wakati mtu anapofika chuoni tunaimani kwamba kitu kikubwa kinachokufanya wewe uwe pale ni kwasababu ya kusoma lakini linapokuja swala la kuwa na mpenzi hizo zinakuwa ni tamaa ambazo kama ukitaka zinaweza kuepukika.

Vijana wengi wamejikuta wakiingia katika majuto na kwa upande wa wasichana wamejikuta wakipata mimba zisizotarajiwa kutoka kwa hao wapenzi ambao wamekutana vyuoni. Kumbuka kwamba huyo mwanaume au mwanamke umekutana nae hapo chuoni,huyajui maisha yake vizuri wala kwao hupajui, unakuwa nae kwa muda wote hapo chuoni mnaishi kama mume na mke,baada ya kuwa mmemaliza kipindi chenu cha masomo kila mtu anarudi kwao na wengine kutojuana kabisa.

Kumbuka kwamba chuoni ni mahali ambapo hadi wenye familia zao wapo hapo sasa unajikuta uko katika mahusiano na mume wa mtu anakupa mimba huku akikudanganya kuwa atakuoa na wengine kukutambulisha kwa marafiki zake ili kukulaghai kwamba anakupenda kwa dhati.

Mchunguze sana huyo mwenza wako je,ni kweli anakuitaji kimapenzi au kimaisha?, Je ni mtu anayependa kukuweka wazi katika mambo yake au ni mtu msiri sana,anakuruhusu kushika simu yake?.

 Hivi ni baadhi ya vitu ambavyo unaweza ukachunguza na kujua kuwa ni ukweli anakupenda kwa dhati au anataka kukuchezea na kukiacha.