Leo ni siku yako kijana.

 

Na Charles N Matagi

Naangalia kesho, kesho yako kijana

Nayaona mateso, kama autopambana

Utashindwa inua uso, kwawale wanaokutazama

Leo ni siku yako, unapaswa kupambana

Miaka mingi shuleni, mpaka chuoni umezama

Mbona aupo kileleni, jahazi lako linazama

Tunasahau dhumuni, la wewe kwenda kusoma

Leo ni siku yako, unapaswa kukomaa

Shule ufati ajira, acha zako lawama

Unapewa tu dira, ya kuweza kusimama

Basi fanya himahima, kabla ya jua kuzama

Leo ni siku yako, timiza ndoto zako

Zama zimebadilika, kaka shtuka

Usitandike mkeka, anza kufanya hekaheka

Utatoboa haklika, siku yako imefika

Leo ni siku yako, okoa kizazi chako

Futa machozi yako, kaza mkwiji wako

Ongea na nia yako, tumia na nguvu zako

Ukane udhaifu wako, dhiilisha uhodari wako

Leo ni siku yako, kamilisha ndoto zako

Tumia elimu yako, kusaidia wazazi wako

waliwekeza kwako, uwaondolee sikitiko

Tumia ujuzi wako, kusaidia jamii yako

Kwani leo ni siku yako, pigania muda wako.